چيمپئنز ليگ: ڈورٹمنڈ اور ريئل ميڈرڈ کے مابین مقابلہ برابر

اسپين ميں کھيلے جانے والے اس دلچسپ ميچ ميں کھيل کے نواسيويں منٹ تک بوروسيا ڈورٹمنڈ کو ايک کے مقابلے ميں دو گول کی برتری حاصل تھی ليکن پھر جرمنی کی قومی فٹبال ٹيم کے رکن ميسوت اوزل نے ريئل ميڈرڈ کے ليے گول اسکور کرتے ہوئے اپنی ٹيم کو شکست سے بچا ليا۔

اس نتيجے کے بعد چيمپئنز ليگ کے گروپ ڈی ميں ڈورٹمنڈ کی ٹيم آٹھ پوائنٹس کے ساتھ سرفہرست ہے جبکہ ريئل ميڈرڈ سات پوائنٹس کے ساتھ دوسرے پر ہے۔

گروپ ڈی کے ايک اور ميچ ميں فرانسيسی کلب ايجيکس اور انگلش کلب مانچسٹر سٹی کے درميان مقابلہ بھی دو دو گول سے برار رہا۔ یوں مانچسٹر سٹی کے پہلے ہی راؤنڈ ميں ٹورنامنٹ سے اخراج کے امکانات بڑھ گئے ہيں۔

ٹورنامنٹ ميں کھيلے گئے ديگر ميچوں ميں گروپ بی ميں شامل جرمن ٹيم شالکے اور انگلش ٹيم آرسنل کے درميان مقابلہ بھی دو دو گول سے برابر رہا جبکہ گروپ بی ہی ميں شامل يونانی کلب اولمپياکوس نے فرانسيسی کلب مونٹ پائلر کو ايک کے مقابلے ميں تين گول سے شکست دی۔ ان نتائج کے بعد گروپ بی ميں شالکے آٹھ پوائنٹس کے ساتھ پہلے نمبر پر ہے جبکہ دوسرے نمبر پر سات پوائنٹس کے ساتھ آرسنل کی ٹيم ہے۔

دريں اثناء سات مرتبہ يورپی چيمپئن شپ کی فاتح اطالوی ٹيم اے سی ميلان اور ملاگا کے درميان مقابلہ ايک ايک گول سے برابر رہا۔ يہ دونوں ٹيمیں گروپ سی میں ہیں، جس ميں اب تک دس پوائنٹس حاصل کرنے والی ملاگا کی ٹيم سرفہرست ہے۔ گزشتہ رات ہی کھيلے گئے گروپ اے کے ايک ميچ ميں پرتگال کے فٹبال کلب پورٹو اور يوکرائن کے Dynamo Kievکے درميان مقابلہ بغير کسی گول کے برابر رہا۔ منگل کو کھيلے گئے ميچوں کے بعد پورٹو اور ہسپانوی ٹيم ملاگا نے کوارٹر فائنل مرحلے کے ليے کواليفائی کر ليا ہے۔

چيمپئنز ليگ ميں بدھ کو کھيلے جانے والے اہم ميچوں ميں انگلش کلب مانچسٹر يونائٹڈ سامنا کرے گا براگا کا جبکہ دفاعی چيمپئن انگلش ٹيم چيلسی مد مقابل ہو گی Shakhtar Donetsk کے۔ بارسلونا اور سيلٹک کی ٹيميں اور جرمن کلب بائرن ميونخ اور فرانسيسی کلب LOSC بھی ايک دوسرے کے خلاف ميدان ميں اتريں گے۔

as/ab (AFP)