نیدرلینڈز نے ’لافنگ گیس‘ پر پابندی کا اعلان کردیا

یورپی ملک نیدر لینڈز کی حکومت نے آئندہ برس سے ملک میں نائٹرس آکسائیڈ گیس پر پابندی لگانے کا اعلان کیا ہے۔ نیدر لینڈز کی وزارت صحت کے مطابق پابندی کے بعد نائٹرس آکسائید جسے لافنگ گیس کے نام سے بھی جانا جاتا ہے، کی بلا اجازت خریدو فروخت نہیں کی جاسکے گی ۔

منشیات کی تیاری: ڈچ پولیس نے سب سے بڑی فیکٹری کا پتہ چلا لیا

 نائٹروجن آکسائیڈز کے گروپ سے تعلق رکھنے والی یہ گیس یکم جنوری 2023ء سے نیدر لینڈز میں ممنوعہ منشیات کی فہرست میں شامل ہوگی۔ البتہ اس گیس کی طبی اور تکنیکی وجوہات پر استعمال کی اجازت ہوگی، مثال کے طور پر ڈاکٹر اس کو ہلکی بے ہوشی کی ایک دوا کے طور پر استعمال کرنے کے مجاز ہوں گے۔ اس کے ساتھ ساتھ عام لوگ بھی نائٹرس آکسائیڈ کی کم مقدار والی مصنوعات جیسے کہ بیکری کی اشیاء کی تیاری میں استعمال ہونے والی کریم کے ڈسپنسرز وغیرہ بھی خرید سکیں گے۔

وزارت صحت کے  مطابق حالیہ برسوں میں نائٹرس آکسائیڈ کے بطور نشہ غلط استعمال میں کافی اضافہ ہوا ہے۔ البتہ وزارت نے متنبہ کیا کہ نائٹرس آکسائیڈ سے''صحت کے بڑے خطرات‘‘ لاحق ہیں۔ ایسے سنگین ٹریفک حادثات میں بھی بڑا اضافہ دیکھا گیا ہے، جن میں ڈرائیور نے نائٹرس آکسائید سونگھ رکھی تھی۔

پاکستان اور افغانستان سے آنے والی ہیروئین بیلجیم حکام کے لیے درد سر

خاص طور پر نوجوان غباروں کے ذریعے نائٹرس آکسائیڈ گیس کو بطور نشہ اپنی سانس کی نالی میں بھر لیتے ہیں۔ اس عمل سے  انہیں ایک مختصر وقت کے لیے نشے کی بلندی کا احساس ہوتا ہے تاہم یہ اعصاب کو نقصان پہنچا سکتی ہے۔ نیورولوجسٹ شدید فالج کے کیسز کے لیے اس گیس کی بڑی مقدار کے غلط استعمال کو بھی ذمہ دار ٹھہرایا ہے۔

نیدر لینڈز میں پولیس اور مقامی حکام  برسوں سے ایسی پابندی کا مطالبہ کرتے آئے تھے۔

ش ر⁄ ع ت (ڈی پی اے)