متحارب فلسطینی گروپوں کے درمیان تشدد کے حالیہ واقعات کے بعد حکمران حماس اور صدر محمود عباس کی فتح تحریک کے درمیان نئی فائر بندی پر اتفاقِ رائے ہو گیا ہے۔عباس نے اُمید ظاہر کی کہ حماس کے ساتھ نئی فائر بندی کے بعد غزہ پٹی میں جھڑپیں بند ہو جائیں گی۔ اِس سے پہلے طے ہونے والی فائر بندی بہت کمزور ثابت ہوئی تھی۔
مصر کی ثالثی کے نتیجے میں عمل میں آنے والی نئی فائر بندی کے تحت دونوں فریقوں نے سڑکوں سے اپنے مسلح ارکان کو واپس بلانے اور ایک دوسرے کے قیدی رہا کرنے کا فیصلہ کیا ہے۔
انتہا پسند حماس اور اعتدال پسند فتح کے درمیان گذشتہ ہفتے کے روز سے جاری جھڑپوں میں اب تک گیارہ افراد ہلاک ہو چکے ہیں۔
