عرفان خان علیل

عرفان خان نہ صرف بالی وڈ بلکہ ہالی وڈ کی نامور فلموں جیسے کہ ’سلم ڈاگ ملین ئیر، دی امیزنگ سپائڈر مین‘ اور ’لائف آف پائی‘ میں بھی کام کر چکے ہیں۔ انہوں نے یہ نہیں بتایا کہ وہ کس ملک میں علاج کروائیں گے۔  عرفان خان نے اپنے ٹوئٹر پیغام میں لکھا،’’ یہ جاننا میرے لیے بہت مشکل تھا کہ مجھے نیورو اینڈو کرائن بیماری ٹیومر ہے لیکن مجھے جو محبت اور پیار اپنے قریبی لوگوں سے ملا ہے اس نے مجھے امید دلائی ہے۔‘‘

روئٹرز کی رپورٹ کے مطابق نیورو اینڈو کرائن نطام میں ٹیومر کے سیلز کا بننا بہت ہی کم ہوتا ہے۔ وہ پیٹ میں بھی بن سکتے ہیں اور یہ سرطان میں بھی تبدیل ہو سکتے ہیں۔ جمعے کے روز عرفان خان نے اپنے ٹوئٹر اکاؤنٹ پر لکھا،’’جو میرے الفاظ کا انتظار کر رہے تھے، میں امید کرتا ہوں کہ میں بہت جلد واپس آؤں گا۔‘‘ 

ب ج/ ع ا، روئٹرز