سابق جرمن صدر ہورسٹ کوئلر انتقال کر گئے

جرمن صدارتی دفتر نے مطلع کيا کہ اکياسی سالہ کوئلر نے برلن ميں ہفتے کو اپنی آخری سانسيں ليں۔

ہورسٹ کوئلر ايک ماہر اقتصادیات تھے اور انہيں يہ اعزاز بھی حاصل ہے کہ وہ جرمنی کے ايسے پہلے صدر تھے، جن کا کوئی سياسی پس منظر نہ تھا۔ صدارت سے قبل وہ واشنگٹن ميں انٹرنيشنل مانيٹر فنڈ کے سربراہ تھے۔

سابق جرمن صدر رومان ہیرسوگ انتقال کر گئے

معروف جرمن سیاستدان انتقال کر گئے

جاپان میں دنیا کے معمر ترین انسان کا 116 برس کی عمر میں انتقال

جرمن صدر فرانک والٹر اشٹائن مائر نے کوئلر کی اہلیہ کے نام ایک خط میں کہا، ''ہورسٹ کوئلر کی وفات کے ساتھ، ہم نے ایک انتہائی معزز اور بے حد مقبول شخصیت کو کھو دیا ہے، جنہوں نے ہمارے ملک اور دنیا کے لیے عظیم خدمات انجام دیں۔‘‘

واضح رہے کہ سن دو ہزار نو میں ہورسٹ ہوئلر دوسری مدت کے لیے صدر منتخب ہوئے تھے، تاہم مئی دو ہزار دس میں جرمن فوج مشنز کے حوالے سے ان کے ایک بیان پر تنقید کی گئی، تو وہ اپنے عہدے سے مستعفی ہو گئے تھے۔

صدارتی دفتر کے مطابق شدید علالت کی حالت میں وہ ہفتے کی صبح انتقال کر گئے جب کہ اس موقع پر ان کے اہل خانہ ان کے پاس موجود تھے۔

ع س، ع ت (روئٹرز، ڈی پی اے)