رافائل ندال دوسری مرتبہ يو ايس اوپن کے فاتح

امريکا کے شہر نيو يارک کے آرتھر ايش اسٹيڈيم ميں نو ستمبر بروز پير کی شب کھيلے جانے والے اس فائنل ميچ ميں ندال نے جوکووچ کو چھ۔دو، تين۔چھ، چھ۔چار اور چھ۔ايک سے شکست دی۔ يہ ميچ قريب ساڑھے تين گھنٹوں تک جاری رہا اور اختتامی اسٹروک کھيلنے کے بعد ندال اپنے گھٹنوں پر گر گئے۔ ان کی آنکھيں آنسوؤں سے تر تھيں۔

اپنی اس فتح کے بعد اختتامی تقريب سے خطاب کرتے ہوئے ستائيس سالہ ندال کا کہنا تھا، ’’نوواک کے خلاف کھيلنا ہميشہ ايک منفرد احساس ہوتا ہے۔ ميں شايد کسی بھی حريف کے خلاف ايسا کھيل پيش نہيں کرسکتا جيسا ميں اس کے خلاف کرتا ہوں۔‘‘ ہسپانوی ٹينس کھلاڑی کو اس گرينڈ سليم ٹورنامنٹ ميں کاميابی حاصل کرنے پر 2.6 ملين ڈالر کے انعام سے نوازا گيا۔ انہيں مزيد ايک ملين ڈالر اس ليے بھی ديے گئے کيونکہ انہوں نے يو ايس اوپن سے قبل کھيلی جانے والی سيريز ميں بہترین مقام حاصل کيا تھا۔

دريں اثناء عالمی نمبر ايک اور رواں سال کے آسٹريلين اوپن چيمپئن نوواک جوکووچ نے اختتامی تقريب کے موقع پر کہا، ’’اس نے کافی اچھے کھيل کا مظاہرہ کيا۔ وہ اس جيت اور اس ٹرافی کا حقدار ہے۔‘‘

يہ رافائل ندال کا رواں سيزن کا دوسرا گرينڈ سليم ٹائٹل ہے۔ اس سے پہلے وہ اسی سيزن ميں فرنچ اوپن ٹينس چيمپئن شب بھی جيت چکے ہيں۔ يوں اب ندال کے مجموعی گرينڈ سليم ٹائٹلز کی تعداد تيرہ ہو گئی ہے۔ رواں سال ندال کی کارکردگی حيران کن حد تک اچھی رہی ہے۔ پير کے روز کھيلے جانے والے اس ميچ ميں کاميابی رواں سيزن ميں ’ہارڈ کورٹس‘ پر ان کی لگاتار بائيسويں کاميابی تھی۔ عالمی رينکنگ ميں ندال اب بھی دوسری پوزيشن پر ہی ہيں۔

رافائل ندال اپنے تيرہ گرينڈ سليم ٹائٹلز کے ساتھ اب ٹينس کی تاريخ ميں سب سے زيادہ گرينڈ سليم ٹائٹلز جيتنے والوں کی فہرست ميں تيسرے نمبر پر ہيں۔ راجر فيڈرر نے سترہ جبکہ سابق امريکی ٹينس اسٹار پيٹ سيمپرس نے چودہ گرينڈ سليمز جيت رکھے ہيں۔