بنڈس لیگا: میونخ نے اپنی برتری اور مضبوط کر لی

ہفتے کے روز کھیلے گئے میچ میں فتح کے ساتھ ہی بائرن میونخ نے اس برس اب تک کھیلے گئے دس میچز میں تمام میں کامیاب کا سلسلہ برقرار رکھا۔ اب بائرن میونخ کو بنڈس لیگا کے باقی مانندہ نو میچوں میں سے اگر مزید تین مقابلوں میں کامیابی حاصل ہو گئی، تو رواں برس کا بنڈس لیگا کا تاج بائرن میونخ کے سر سج جائے گا۔ ہفتے کے روز اس فتح کے بعد بائرن میونخ نے پوائنٹس ٹیبل پر دوسرے نمبر پر موجود دفاعی چیمپیئن ڈورٹمنڈ سے 20 پوائنٹس کا فرق بنا لیا ہے۔

ہفتے کے روز کھیلے گئے ایک دوسرے میچ میں دفاعی چیمپیئن ڈورٹمنڈ شالکے کے مقابلے میں شکست سے دوچار ہو گئی۔ اس وجہ سے اس کے اور بائرن میونخ کے درمیان پوائنٹس کا فرق اور بڑھ گیا۔

ہفتے کے روز بائرن میونخ اور ڈوسلڈورف کا میچ دو دو گول سے کھیل کے 86 ویں منٹ تک برابر تھا۔ کھیل کے 86 ویں منٹ میں میونخ کی طرف سے یرومو بواٹنگ نے گول کر کے اپنی ٹیم کو حتمی برتری دلا دی۔ اس سے قبل بائرن میونخ کی طرف سے تھوماس میولر اور فرانک ریبری نے ایک ایک گول کیا۔

ہفتے کے روز کھیلے جانے والے دیگر میچوں میں شالکے نے ڈورٹمنڈ کو ایک کے مقابلے میں دو گول سے شکست دی۔ مائنز نے لیورکوزن کے صفر کے مقابلے میں ایک گول سے ہرایا۔ فرائی برگ کو وولفس برگ کے ہاتھوں دو کے مقابلے میں پانچ گول کے واضح فرق سے شکست ہوئی۔ہوفن ہائم نے فؤرتھ کی ٹیم کے صفر تین سے مات دی۔ جب کہ میونشن گلاڈباخ اور بریمن کے درمیان کھیلا گیا میچ ایک ایک گول سے برابر رہا۔

آج اتوار کے روز اس میچ ڈے کے سلسلے میں ہوفن ہائم اور فرینکفرٹ کی ٹیموں کے درمیان مقابلہ ہو گا۔

(at/zb (Reuters, dpa