بنڈس ليگا: سولہواں ميچ ڈے اختتام پذير، ليور کوزن کو غير متوقع شکست

اگرچہ ہينوور کے ہوم گراؤنڈ پر کھيلے جانے والے اس ميچ کے آغاز کے چند ہی منٹوں بعد ليور کوزن کی ٹيم برتری حاصل کرنے ميں کامياب ہو گئی تھی تاہم ميزبان ٹيم کے ليے Szabolcs Hustzi نے دو پينلٹی ککوں پر گول اسکور کرتے ہوئے ميچ کا نتيجہ بدل ڈالا۔ يہ ميچ تين دو سے ہينوور نے جيتا۔ اس نتيجے کے باعث بنڈس ليگا ميں پوائنٹس کے اعتبار سے دوسرے نمبر پر براجمان ٹيم ليور کوزن اور سرفہرست ٹيم بائرن ميونخ کے درميان اب گيارہ پوائنٹس کا فرق ہے۔

دوسری جانب اتوار کو ہی کھيلے گئے ايک اور ميچ ميں مؤنشن گلاڈ باخ نے اپنی ميزبانی ميں مائنز کی ٹيم کو صفر کے مقابلے ميں دو گول سے مات دی۔ ميزبان ٹيم کے ليے مائيکے ہانکے نے پہلا اور يوآن ارانگو نے دوسرا گول اسکور کيا۔

اس سے قبل ہفتے کے روز کھيلے گئے ميچوں ميں فرينکفرٹ، بائرن ميونخ، نيورمبرگ، وولفس برگ، شالکے اور فرائی برگ کی ٹيموں نے اپنے اپنے ميچوں ميں کاميابی حاصل کی۔ جبکہ جمعے کے روز ہوفن ہائم کا سامنا ہیمبرگ کی ٹیم سے ہوا تھا، جس میں ہوفن ہائیم کی ٹیم کوئی بھی گول کرنے سے قاصر رہی۔ جواباً ہیمبرگ کی ٹیم دو گول کر کے میچ میں فتح مند رہی۔

سولہويں ميچ ڈے کے اختتام پر پوائنٹس ٹيبل پر بائرن ميونخ کی ٹيم اکتاليس پوائنٹس کے ساتھ سرفہرست ہے جبکہ ليور کوزن تيس پوائنٹس کے ساتھ دوسری پوزيشن پر ہے۔ ڈورٹمنڈ اور فرينکفرٹ دونوں کے پوائنٹس کی تعداد ستائيس ہے تاہم بہتر گول اوسط کی بنياد پر ڈورٹمنڈ تيسری پوزيشن پر ہے جبکہ فرينکفرٹ چوتھی پر۔ پانچويں پوزيشن پچيس پوائنٹس کے ساتھ شالکے نے سنبھال رکھی ہے۔

بنڈس لیگا کے پہلے حصے کا آخری میچ ڈے آئندہ اتوار یعنی چودہ دسمبر سے شروع ہو گا۔ پہلے حصے کی چیمپئن کو موسم خزاں کی چیمپئن قرار دیا جاتا ہے اور یہ اعزاز ایک طرح سے بائرن میونخ کو حاصل ہو چکا ہے کیونکہ اگلے اتوار تک کوئی ٹیم پوائنٹس ٹیبل پر اِسے پیچھے نہیں ہٹا سکتی۔

(as/ng (dpa, AFP