برطانوی معیشت میں بہتری کی امید

بینک آف انگلینڈ کے مطابق ملک میں کورونا سے بچاؤ کی ویکسین تیزی سے متعارف کرائے جانے کے بعد توقع ہے کہ معیشت پر اس کے مثبت اثرات پڑیں گے۔ ماہرین کے مطابق وبا کی وجہ سے اس سال کے پہلے تین ماہ کے دوران برطانوی معیشت 4.2 فیصد سُکڑ سکتی  ہے۔

اگر ایسا ہی ہوا تو برطانوی معیشت وبا سے پہلے کے مقابلے میں 12 فیصد تک گر جائے گی۔ تاہم بینک آف انگلینڈ پرامید ہے کہ اپریل کے بعد سے بہتری آنا شروع ہوگی اور اس سال کے آخر تک معیشت میں 5 فیصد تک کا اضافہ دیکھا جا سکتا ہے۔ اس ضمن میں جمعرات کو ملک کی مانیٹری پالیسی کمیٹی کے نو ارکان نے متفقہ طور پر موجودہ شرح سود کو برقرار رکھنے کا فیصلہ کیا۔

برطانیہ ویکسن میں سب سے آگے

برطانیہ میں اب تک ملک کی ایک چوتھائی بالغ آبادی یعنی ایک کروڑ شہریوں کو کورونا کے ٹیکے لگائے جا چکے ہیں۔ یوں یورپ میں برطانیہ ویکسن لگانے والے ملکوں میں سب سے آگے نظر آتا ہے۔

بینک نے امید ظاہر کی ہے کہ ملک میں ویکسن پروگرام کی کامیابی سے لوگوں میں معاشی اعتماد بحال ہو گا ہے۔ اس کا ایک ثبوت یہ ہے کہ برطانیہ میں چھٹیوں کے موسم سے متعلق ہوٹل وغیرہ کی بکنگ میں اضافہ دیکھا میں آرہا ہے، گو کہ بیرون ملک بکنگ میں اب بھی سستی کا رجحان ہے۔

بیروزگاری کا چیلنجبر

برطانیہ میں حکومت نے بے روزگاری سے نمٹنے کے لیے لوگوں کی مالی امداد کی ہے لیکن ماہرین کے مطابق پھر بھی اس سال بے روزگاری کی شرح 7.8 فیصد رہنے کی توقع ہے۔

معاشی ماہرین کے مطابق معیشت کی بحالی کا بڑا دارومدآر اس بات پر ہوگا کہ حکومت وائرس کی کسی نئی شکل پر قابو پانے کے لیے کیا کرتی ہے اور معاشی فیصلوں کے حوالے سے لوگوں کا اپنا کیا کردار رہتا ہے۔

ش ج، ع ت (اے پی، روئٹرز)