ایران کی پاکستان کو تیل فراہم کرنے کی پیشکش

خبر رساں ادارے روئٹرز کی ایک رپورٹ کے مطابق ایران نے پاکستان کو تیل فراہم کرنےکی یہ پیشکش مغربی ممالک کی جانب سے عائد کی جانے والی پابندیوں اور پاکستان کی توانائی کی ضروریات پوری کرنے کے تناظر میں کی ہے۔ ساتھ ہی یہ بھی بتایا گیا ہے کہ پاکستان کو یہ چھوٹ دی گئی ہے کہ وہ 80 ہزار بیرل تیل کی ادائیگی تین ماہ میں بھی کر سکتا ہے۔

حوالے سے پاکستانی حکام نے بتایا ہے کہ ایران نے پاکستان سے کئی ہزار ٹن گندم درآمد کرنے کی خواہش ظاہر کی ہے۔ پاکستان میں قدرتی وسائل اور پٹرولیم کی وزارت کے ترجمان عرفان قاضی نے بتایا، ’بات یومیہ 80 ہزار بیرل تیل کی ہے اور وہ بھی قیمت کی ادائیگی میں تین ماہ کی رعایت کے ساتھ۔‘

قاضی نے مزید بتایا کہ اس وقت طریقہ کار کے بارے میں اندازہ نہیں ہے کہ کس طرح اس پیشکش کو عملی جامہ پہنایا جائے گا۔ ’’مارچ کے وسط میں ایک وفد ایران جائے گا اور اس موضوع پر مذاکرات ہوں گے۔‘‘ پاکستان کو اس وقت توانائی کے شدید بحران کا سامنا ہے اور حکومت یہ ضروریات پوری کرنے کے لیے مختلف ذرائع کی تلاش میں ہے۔ ایران پر اس کے جوہری پروگرام کی وجہ سے عائد پابندیوں کو مزید سخت بنائے جانےکے بعد متعدد ملکوں نے جرمانےسے بچنے کے لیے ایران سے تیل کی درآمد کم کر دی ہے۔

رپورٹ: عدنان اسحاق

ادارت: مقبول ملک