Wadephul: Israel inazidi kutengwa kidiplomasia

Akizungumza Alhamisi kabla ya kuelekea Israel, Wadephul amesema kuwa mkutano wa hivi karibuni wa Umoja wa Mataifa kuhusu suluhisho la mataifa mawili katika mzozo wa Israeli na Palestina ambao ulisusiwa na Marekani na Israel, umeonyesha kuwa ''Israel inazidi kujikuta katika jamii ya wachache''.

Ujerumani ni miongoni mwa washirika wa kidiplomasia wa Israel, lakini Wadephul amebainisha kuwa kwa kuzingatia vitisho vya wazi vya kunyakua maeneo vilivyotolewa na mawaziri kadhaa wa Israel, baadhi ya nchi za Ulaya zimeongeza kuonesha utayari wa kulitambua Taifa la Palestina, bila mazungumzo ya awali.

Amerudia kuelezea msimamo wa Ujerumani kwamba kutambuliwa kwa Taifa la Palestina kunapaswa kutolewa mwishoni mwa mchakato wa mazungumzo.

Mwanadiplomasia huyo mwandamizi wa Ujerumani ameitaka Israel kuruhusu misaada zaidi kuingia Gaza mara moja. Kwa mujibu wa Wadephul shughuli ya kudondosha misaada ya kiutu kwa kutumia ndege ambayo Ujerumani itashiriki katika siku zijazo, ni mojawapo ya njia ya kupeleka misaada, lakini hiyo haiwezi kuchukua nafasi ya kufikisha misaada kwa njia ya usafiri wa ardhini.

Mazungumzo ya kusitisha mapigano Gaza: Witkoff akutana na Netanyahu

Hali ya kibinadamu Gaza inaendelea kuwa mbaya, huku njaa na vifo vikiongezeka. Ungependa tuangalie jinsi juhudi hizi za kidiplomasia zinavyoweza kuathiri mustakabali wa eneo hilo au nafasi ya Marekani kama mpatanishi?

Akiwa Israel, Wadephul anatarajiwa kukutana na waziri mwenzake wa Israel, Gideon Saar na Rais Isaac Herzog, pamoja na Waziri Mkuu Benjamin Netanyahu. Waziri huyo anazuru pia Ukingo wa Magharibi ambako atakutana na Rais wa Mamlaka ya Palestina, Mahmud Abbas.

Wakati huo huo, Mjumbe maalum wa Marekani katika eneo la Mashariki ya Kati, Steve Witkoff Alhamisi amekutana na Netanyahu mjini Jerusalem kushinikiza kuendelea kwa mazungumzo ya kusitisha mapigano yaliyokwama kati ya Israel na Hamas katika Ukanda wa Gaza. Ziara hiyo imefanyika katika wakati ambapo serikali ya Israel iko katika shinikizo kubwa kutokana na kuzorota kwa hali ya kiutu Gaza.

Mazungumzo ya Witkoff na Netanyahu yanafanyika ambapo katika wiki za hivi karibuni, Israel imekabiliwa na shinikizo la kimataifa la kuruhusu msaada zaidi wa chakula kuingia Gaza ili kuepusha janga la kibinadamu linaloweza kutokea.

Aidha, Msemaji wa Halmashauri Kuu ya Umoja wa Ulaya Anouar El Anouni, amesema Israel imetangaza kusitisha kila siku mapigano ili kuruhusu misaada kuingia Gaza na imetimiza baadhi ya ahadi zake, ingawa hali bado ni mbaya.

''Hata hivyo hali bado ni mbaya, na ya kutisha, na ni katika muktadha huo, uamuzi huo ulichukuliwa na makamishna wa Umoja wa Ulaya kuhusu pendekezo la kusitishwa kwa muda mapigano, kwa sehemu, samahani katika mpango wa Horizon,'' alifafanua El Anouni.

Katika hatua nyingine Marekani imesema haitowapa visa maafisa wa Mamlaka ya Palestina na wanachama wa Chama cha Ukombozi wa Wapalestina, PLO, kutokana na kuhujumu juhudi za amani na kuunga mkono ugaidi. Wizara ya Mambo ya Nje ya Marekani imesema hatua hiyo itawazuia wanaopanga kusafiri kwenda Marekani kutopata visa.

Taarifa ya wizara hiyo imesema gatua hiyo imechukuliwa kwa maslahi ya usalama wa taifa la Marekani na kuwawajibisha maafisa hao kutokana na kutozingatia ahadi zao, na kudhoofisha matarajio ya amani. Hata hivyo, taarifa hiyo haijabainisha wazi ni kina nani hasa ambao wanalengwa.

(AFP, DPA, Reuters)