Urusi yaendelea kuchukua udhibiti wa maeneo ya Ukraine

Hayo ni kulingana na taarifa iliyotolewa na vyombo vya habari vya serikali ya Urusi pamoja na wanablogu wanaofuatilia vita hivyo.

Hata hivyo taarifa hiyo haijathibitishwa na vyanzo kutoka Ukraine wala Wizara ya Ulinzi ya Urusi. Mara kadhaa Urusi imekuwa ikitaja kuwa tayari kusaini mkataba wa amani lakini ikiitaka  Ukraine kujiondoa kikamilifu katika mikoa minne  ambayo Urusi iliinyakua kinyume cha sheria.

Hayo yanajiri wakati Waziri wa Mambo ya Nje wa Ujerumani Johann Wadephul amewasili hivi leo mjini Kyiv katika ziara ambayo haijatangazwa na yenye lengo la  kudhihirisha kuwa Ujerumani inaendelea kuunga mkono mapambano ya Ukraine.

Wadephul anatarajiwa kukutana na Rais wa Ukraine  Volodymyr Zelensky  na Waziri wa Mambo ya Nje wa Ukraine Andrii Sybiha.