Urusi: Nchi za Magharibi zimekataa diplomasia kumaliza mzozo

Kauli hiyo imetolewa na vyombo vya habari vya Urusi vikimnukuu msemaji wa Ikulu ya Kremlin Dmitry Peskov aliyesisitiza bila ushahidi wowote kwamba,  ikiwa Moscow inaendeleza operesheni yake ya kijeshi nchini Ukraine, ni kwa sababu mapendekezo yote ya mazungumzo yamekataliwa na Ukraine na nchi za Magharibi.

Hayo yakiarifiwa, Moscow na Kiev zimeendelea kushambuliana usiku wa kuamkia Jumapili. Wizara ya Ulinzi ya Urusi imesema imedungua droni zipatazo 99 katika majimbo yake 12 ambapo mtu mmoja ameripotiwa kuuawa Kursk huku shughuli za usafiri wa treni zikitatizika huko Volgograd. Urusi nayo imedai kuchukua udhibiti wa vijiji viwili mashariki mwa Ukraine.