Ulimwengu waadhimisha Siku ya Redio

Pita migahawani, mitaani, kwenye vyombo vya usafiri, shuleni, sehemu za kazi, hutokosa kukutana na mtu akisikiliza redio. Ni chombo ambacho kimekuwa na kinaendelea kuwa na mchango mkubwa katika Maisha yetu ya kila siku. Shirika la Umoja wa Mataifa la Elimu, Sayansi na Utamaduni – UNESCO lilitangaza mnamo mwaka wa 2011 kuwa Februari 13 kila mwaka iwe ni siku ya Redio Ulimwenguni. Kauli mbiu ni Redio na Amani

Vita, ni kinyume cha amani, huashiria mzozo wa kivita kati ya nchi au makundi ndani ya nchi, lakini pia inaweza kutafsirika kuwa ni mgongano wa simulizi za vyombo vya habari. Simulizi hiyo inaweza kuongeza mivutano au kudumisha hali ya amani katika muktadha fulani - kwa mfano kuzingatia mwenendo mbaya au mzuri wa mchakato wa uchaguzi, kukataliwa au kukaribishwa katika jamii watu wanaorejea makwao, kuongezeka kwa siasa za kali za kizalendo n.k. Katika kuripoti na kufahamisha umma kwa ujumla, vituo vya redio huunda maoni ya umma na kuunda simulizi ambayo inaweza kuathiri hali ya ndani na kimataifa na michakato ya kufanya maamuzi. Hakika redio inaweza kuchochea mgogoro lakini katika hali halisi, redio inayozingatia maadili ya kazi hutumika kama mpatanishi wa mizozo, na mivutano, kuepusha kuongezeka kwa mizozo hiyo au kuwezesha mazungumzo maridhiano na amani.

Redio katika kuzuia mizozo na kujenga amani

Radio ni mchangajiaji muhimu na sehemu muhimu ya kudumishwa amani. Inatumika kuweka ajenda inayofanya kazi na kutoa huduma muhimu za kuleta masuala yenye umuhimu, na kuyafikisha kwa mamlaka na raia ili waweze kusikika.

Redio hushughulikia kiini na vyanzo vya mizozo kabla ya kulipuka na kuwa machafuko makubwa, kupitia vipindi vya redio na maamuzi ya wahariri.

Vipindi vinavyoangazia masuala muhimu kwa mfano, husaidia kumulika ukosefu wa usawa katika jamii, umaskini, mizozo ya raslimali au ardhi, ufisadi, na kadhalika, kwa kuripoti kuyahusu na kutafuta sababu za migogoro kwa kutumia viwango vya uandishi Habari.

Maudhui ya uhariri wa redio yanaweza pia kuongeza vichochezi vya uhasama kama vile maamuzi mabaya, kuongezeka kwa propaganda, kuongezeka kwa mabishano, na kupanda kwa mizozo katika baadhi ya maeneo. Hii inaweza kusaidia kukabiliana na chuki, hamu ya kulipiza kisasi au nia ya kutaka kuchukua silaha na kupigana kama anavyoeleza Abdulrahmam

Zaidi ya hayo, mbinu mbalimbali za ushirikishwaji za watayarishaji wa vipindi vya redio pia hukuza utamaduni wa mazungumzo kwa njia ya vipindi na miundo shirikishi kama vile msikilizaji kupiga simu, kama tunavyofanya katika Jukwaa la Manufaa, vipindi vya midahalo kama vile Maoni mbele ya meza ya duara, na kadhalika na kwa hiyo kutoa fursa za kujadili masuala muhimu kwa njia ya kidemokrasia, hewani, ikiwemo kutofautiana kifikra.

Kwa hivyo redio iliyo huru inakuza demokrasia na kuweka msingi wa amani endelevu.

Bruce Amani
UNESCO